ANG SUWAIL NA BATA

PAGKILALA SA 

MAY AKDA

Ang kwento ng suwail na bata ay isinulat ni Samuel Langhorne Clemens na kilala din bilang Mark Twain, ay tanyag o sikat na manunulat sa bansang Amerika. Marami na siyang naisulat na mga akda at nobela na maituturing na klasikal at may malaking ambag sa panitikang pandaigdig gaya ng mga nobelang "The adventures of Tom Sawyer" at ang "Adventures of Huckle Finn". Iilan lamang yan sa mga kanyang naisulat na hanggang ngayon ay masasabi nating binabasa parin hanggang sa kasalukuyan. ang nag udyok sa kaniyang isulat ito ay dahil sa kaniyang karanasan sa buhay. Napansin niyang ang mga tao ay tila ba gumagawa ng masama at umaasang hindi mahuhuli ngunit sa realidad ay kabaligtaran di tulad ng kaniyang likha na si Pedro na kakambal ng suwerte.

Samuel Langhorne Clemens

          o Mark Twain

LAYUNIN NG AKDA

          Ang layunin ng may akda ng kwento ng suwail na bata ay ipakita ang kaibahan ng panlabas sa katotohanan. Tulad na lamang ng pangalan ng pangunahing tauhan na si pedro, sinasadya ng may akda na gamitin ang pangalang Pedro dahil sa libro ng katekismo ang mga may ngalang Pedro ay laging napapasok sa gulo o laging napapahamak. At sa kwento naman na ito ay pinapakita na kung paano sya nakaiwas sa mga pangyayaring ito. Layunin din nito naipaalala sa atin na hindi tayo kailanman magiging katulad ni Pedro na kakambal ng suwerte lalong lalo na sa paggawa ng kasamaan. Na kung saan hindi mahuhuli at hindi mapaparusahan.

  

URI NG PANITIKAN SA KWENTO

          Ang kwento ng suwail na bata ay masasabi natin na nabibilang sa mga Maikling kwento, dahil kitang kita naman sa kwento na naka pokus sa iisang mahalagang pangyayari na kinakasangkutan ng isang tauhan. Ito din ay tulad ng ibang panitikan na may layon na mag iwan ng mahalagang aral.

MGA TEORYANG PAMPANITIKAN SA KWENTO

 Isa sa teoryang ginamit ay ang teorya ng realismo sapagkat mababakas na ang maikling kuwentong ito ay maaring maihambing sa realidad tulad ng mga ginawa ni Pedro sa nasabing akda.

          ikalawa ay  ang teoryang sikolohikal sapagkat may mga salik na bumuo sa paguugali o behavior ng pangunahing tauhan tulad nga ng kaniyang ina na walang pakielam sa kanya na kung saan siya ay laging pinarurusahan di tulad ng nasa katekismo.

          ikatlo ay ang teorya ng bayograpikal sapagkat ang karanasan ng may akda ang nagudyok na likhain itong nasabing maikling kwento na pinamagatan na "Ang Kuwento ng Suwail na Bata.

          Ikaapat ay ang klasismo sapagkat nagtataglay ang akda ng mga di karaniwang salita na nagbibigay dito ng magandang  istruktura.

          Ikalima ay ang dekonstruksyon sapagkat ang akda ay hindi maaaring isilid sa kahon dahil ito ay tunay na nagtataglay ng wagas na aral.  Karagdagan ay taliwas ang pangyayari sa kwento kaysa sa nangyayari sa totoong buhay.

TEMA O PAKSA NG AKDA

          Ang tema ng maikling kwento ng suwail na bata ni Mark Twain ay lahat ng tao ay may kaniya kaniyang nakaraan at istorya na mag sasabi o mag papakita kung sino sila tulad ngani Pedro sa nasabing akda.

 MGA TAUHAN / KARAKTER SA AKDA

          Sa kwento ng suwail na bata ay pinangungunahan ng bida na si Pedro na kung titingnan ay tila may kakambal na suwerte dahil taliwas lahat sa nangyayari sa mga kwento, na laging malas at napapasok sa gulo. Isama mo pa ang karakter na si Jose na kung titingnan ay mukhang mabait at sa mga libro ay lagging naliligtas laban sa mga pambibintang na nangyayari sa kwento. Masasabi natin na taliwas lahat ng pangyayari sa libro ng katekismo sa pangyayari sa kwento na isinulat ni Mark Twain at masasabi natin na ito ay kawili wili basahin dahil kakaiba sa mga pangyayari sa mga normal na ating nababasa.

TAGPUAN / PANAHON SA AKDA

          Hindi gaano pinagusapan ang tagpuan/panahon sa maikling kwentong ito, ngunit binigyan naman nito ng pahiwatig ang mga aksiyon ng pangunahing aktor na si Pedro. Alam natin na nakatira siya sa maliit na nayon na may maliit na ilog at matatalinong mamamayan. Hindi siya nalunod at tinamaan ng kidlat noong bumabagyo habang siya ay nangingisda sa araw ng linggo. Ang tagpuan ay tunay ngang tinulungan ang paraan na gagamitin upang ipakita ang masasamang pangyayari dahil sa kagagawan ni Pedro.

NILALAMAN O BALANGKAS NG MGA PANGYAYARI

          Ang maikling kwentong ito ay masasabi naming hindi gasgas na pangyayari, sapagkat hindi ito ang kadalasan nating naririnig sa realidad at sa ibang akda. Sa maikling kwentong ito ay mababakas natin ang ipinagkaiba ng nangyayari sa isang suwail na bata sa katotohanan at sa akdang ito na kung saan si pedro ay kakambal ng suwerte. Maayos at maganda ang pagkakalikha sa maikling kuwentong ito at tunay na naipaihawatig ang nilalaman mula sa simula hanggang sa wakas. Ang aral na matutunan dito ay hindi sa lahat ng pagkakataon ay katulad tayo ni pedro na kapag gumawa ng isang masamang gawain ay hindi tayo mapaparusahan dahil ang katotohan ay mabubunyag pa rin ang mali at bibigyan ng leksyon ang sino mang gumawa nito.

MGA KAISIPAN O IDEYANG TAGLAY NG AKDA

          Ang kaisipan ng maikling kwentong ito ay hindi lahat ng masama ay hindi magiging matagumpay dahil may mga pagkakataon na ginagamit nila ang kasamaan upang sila ay umunlad tulad ni Pedro.

ESTILO NG PAGSULAT NG AKDA

          Epektibo ang pagkakasulat ng may akda sa kaniyang maikling kuwento sapagkat ito ay madaling unawain dahil nasasabi natin na ang bawat pangyayari ay may malinaw na relasyon sa isat isa kaya mas madaling maunawaan ang kabuuan ng nasabing akda. Masining ang pagkakagawa ni Mark Twain sapagkat hindi nakakabagot basahin at tunay na maiintindihan  ito ng mambabasa dahil sa ito'y katotohanan.

BUOD NG AKDA

          May isang bata na nagngangalang Pedro hindi siya tulad ng mga pedro na nasa katekismo, Siya ay kabaligtaran ng lahat ng nasa katekismo. Isang araw ay kinain niya ang halaya ng kaniyang ina at ng paaminin siya ay nagsinungaling parin siya kaya sinaktan siya nito. kinuha niya ang kutsilyo ng kanyang guro at sa takot na mapalo ay inilagay sumbrero ni Jose. Hindi siya naparusahan sa halip ay si Jose. Sa huli ay namatay ang mga magulang ni Jose. Nang siya ay tumanda ay bumuo siya ng malaking pamilya ngunit pinatay niya rin ang mga ito at siya ay naging kasapi ng kongreso at nirerespeto. Tunay na kakambal niya ang suwerte. Patuloy pa rin ang masasamang gawain niya tulad ng pandarambong.

MGA MIYEMBRO:

ENRIQUEZ, EMIL CLARENCE U.

MANUEL, JASON PAUL S.

LIMPO, MICHAEL ELIJAH D.

NIALA, CATHLEEN A.

CERVANIA, ELVIN JOHN S.